كلمات أغنية مالو ان كان شكن
مالو ان كان شكن
عيني من دمع الشجن
يا غايبه
احزاني افراحك بقن
بعتيني بي ابخس تمن
شان انسى هاجرت و رحل
فارقت لك حتى الوطن
لكني رجعني الزمن
من تاني لي ارض المحن
قايل الغرام البينا مات
شابى لي من توب الكفن
انا قلبي يوم ما ظن ظن
تبقيلو اسباب الحزن
ما دام سعادتك في بكاي
مغروره بي حسنك اذن
ساهرت في ليل الدجن
لمن حدود صبري انتهن
شوفي الدموع من طول بكاي
شقن دروب في الوجن
جاني اب قرون لمن جرن
دمعاتي و الصدر اتعطن
عزاني في فقدي الكبير
قال لي رغم الاهه غن
قلبي الجريح الانطعن
لا مل لا صادو الوهن
لاقاكي بي ريدو النبيل
لاقيتي بي ظلم الحسن
لو قايله ماضينا اندفن
و اتلاشى في التاريخ سدى
انا ياني لا ازل الازل
بهواكي يا تحفه عدن