كلمات أغنية لما شفتك
قلبي دق واهدى للزمن ارتعاشه
والعيون في عز خريفا عانق الاحساس دعاشا
الخطاوي تراها ماشه ماني عارف وين هي ماشا
والربيع فوح زهوري بانتظارك يا فراشه
غنى في اعماقي صوتك غنوه الشوق والصبابه
والبرق لاح من سنونك داعب احلام السحابه
الحنين الفي عيونك بدد الهم والكابه
والمشاعر الشارده جاتك ما رجيت ميعاد ايابا
يلا ارحلي توهيني فيا الق الذكرى باقي
الحزن لمن افارقك بلقى في صوت السواقي
مدي ايديك وانقذيني مددي جسور التلاقي
داير القاك جنبي دايما تطفي نيران اشتياقي
بي صراحه الدنيا اجمل من نعيشا اسى وتجافي
شيلي وعد اللقيا واقع لي فجر يشرق تصافي
النخل قمريهو هاجر والنجم في سمانا مافي
والظلام يا حلوه خيم في انتظار انك توافي
لما شفتك نور امامي ما قدرت اديك قفايا
امشي وين عاد من عيونك وانتي اي مكان معايا
اعذريني اذا انتظرتك زهره في عتمور شقايا
وسامحيني عشان بقولك طيري حلقي في سمايا