كلمات أغنية عندك خبر
عندك خبر
لي الليلي حبي انا ما فتر
لا جف قلبي من النزيف
لا انهد حيلي من السفر
شايلك حسيس قلبي ال بدق
ايقاع حياتي على وتر
يعزف مع الدم مشتهيك
زي لهفه الصي للمطر
راجيك تبلي الشوق تجي
في موسم الغنا والزهر
يخضر جفاف دنيانا ريد
يطرد ضلمتنا القمر
عندك خبر لا يوم اموت تبريني يا اجمل قدر
عندك خبر قلبي ال بموت من شوقو ليك
يهواكي رغم المستحيل
يهواكي طال ما نبضو حي
وطال ما بيسقي ارضنا نيل
يهواكي زي ما العازه ريد
مدلوق على قلب الخليل
يهواك دروب من شوق وشوق
مزروع على طرف البحر
مسنود على اكتاف النخيل
ما عمري بي شوقك بدا
يا منتهى العشق النبيل
اما الخبر
يا حلوه لا قدر الاسى
لا الفرقه لا جور السنين
تكتف اراده زول دفن
احساسو في قلبك حنين
مستني بس طيفك يجي
ولهفه عويناتك تبين
احكيلها كيف
الدنيا صيف
وكيفن بلاك الكون حزين
يا حلوه لا تبكي المصير
قدر الموالفين الفراق
وقدر ال متلنا مشي الهجير
سفر الاماني طويل وشاق
يسعدني انك بت هواي
تبينا من شفع دقاق
مغروسه في جوايا ريد
محفوره ساساتك غراق