كلمات أغنية صبريه
حمتا اطراف الفيافى شلتا صبحى وليلى حافى
ما نسيت ارد القوافى زى طعم صبريه مافى
زى عشم صبريه مافى زى نغم صبريه مافى
شافعى من عربان بلدنا منها وفيها الوداعه
شتله فى قيزان بلدنا قايمي بي ايده وضراعه
القديم الافحه طرقى زاهى فى روعه طباعه
البسيمات الفى وجيها ياها من زمن الرضاعه
واقعى زى شمس العصارى فى العمر باقيهو ساعه
فى القليب الشايله صافى زى صفاء صبريه مافى
فى الهجير راحت تدقق فى النهار الحار تورق
للهدوم باليل تلتق فى الجرف زارعاله حوضا
راجه قبل الحين يبتق واليسالمه من بلدنا هى يوت
تقولوا ان شاءالله عافى وزى سلام صبريه مافى
فى كريقرت خالها احمد شايله ليله وايده تنبح
شوكى لاقته فى دريبه لما كان بالمعزى تسرح
نامت المسكينى تقند والفونيس ذاتو روح
باقى تمتمه فى خشيمه تسال الله المسرى تجمح
ماله مال المسرى الا شان حبيب روحه يقرح
دى البنيه الريده وافى وزى غرام صبريه مافى
زى شعور صبريه مافى زى حنان صبريه مافى
رادت الناس والسمر رادت الصفا والعكر
رادت الموج الهدر رادت الصفا والعكر
رادت الحلى ودروبه رادت الصفا والعكر
فى عيون صبريه طلت ريده الخلا للبحر
نافرى من قيلت الكرارق وخايفى من قوله السفر
والرحيل السرو خافى فى قلب صبريه مافى
فى زمن صبريه مافى فى خيال صبريه مافى
والنهايه الفى فصول سيره البنيه
لما عادت للبيوت الكانوا قبل المغربيه
مالقت غير الزوامل الشايلى احلامه الصبيه
شايلى عيدان الكرارق والصباحات والعشيه
ضاربي بطن الوادى زفه لمه الناس والسعيه
والمطيرى الضاربي قبلي لاقت الدمعه العصيه
والرحيل عز البوادى الرحيل وجع البنيه
زى رحيل صبريه مافى زى سفر صبريه مافى