كلمات أغنية سوقني معاك يا حمام
سوقنى معاك يا حمام سوقني محل ما الحبيبه
قريبه تراعي الغرام غريبه الاشواق حبيبه
يجيبا منام في منام
سوقني محل ما المحنه وايادي تقطر سلام
سماحه الحياه فوق اهلنا وبلادي تقرقر وئام
غلابه وامان مو الطيابه ضكارى بصارى وكرام
حبابه الحبان في بابه وتدخلوا علي الحرام
فقارى ولكن غنايا غنايا بهذا الغمام
بهذا النيل كم تغايا وتيرابا نرميهو قام
اراده القمره البتقدر براها تضوي الضلام
شعاع شمشا ياما خدر واذا يبس لا يلام
فيابا خرابا الحرابه وخرابه فكر سوسي سام
خرابه الكل نفسو تابى عقابه تلم عم سام
وليد مخلوق للقرايه خزين مدخور للجسام
تتمر نيتو التخايه الاما مذهلل الام
درب من دم ماب يودي حرب سبه حرب حرام
تشيل وتشيل ماب تدي عقب اخرتا انهزام
بطانه الشيطان قديمه وبعد دا منو العرشو دام
اذا الانسان ما ليه قيمه علي ايش خلفو سام وحام
تعالوا الدم ما هو مويه ولا ها ترايي المسام
اخويا وطراوه الخوه ابتسام
تعالوا نحانن بعضنا نخل قلبو على التمام
نبضنا يشهل ارضنا وارضنا تجم العضام
تعالوا بدل نبني ساترنخيب ظن الصدام
نطيب للعازه خاطرنقوم لاطفاله سام
اخير كراكه بتفتح حفير وتراقد الركام
ام الدبابه البتكشح شخير الموت الزؤام
تعال لي غابتك يا خيرا تعال لها يا اسده الهمام
بدل دوشكه يغني طيره محل قنبله عش نعام
بلد صمي وشعب واحد عصيه على الانقسام
ابيه وبكراها واعد صبيه ومشهاده تام
بساط احمدي كم يشيلنا وتشهلنا على الدوام
نقل ليلنا تقوي حيلنا ودليلنا تمام التمام
نلقم سقف المتاهه نجم هداي في الضلام
ونطعم حرف النزاهه لايئلافك يا حمام
ديمقراطيه وامان سوا سوا عالين مقام
مواريثنا المن زمان محصنه في اروع نظام
بريدك يا زول بريدك بعشقك حتى الهيام
اريحيتك عد تزيدك مهابه وليك القيام
عهدي معاك يا حمام حبيب الرسل الكرام
رسول الامراء العظام عصامي على ما يرام
ماب تهدل في خنادق ولا ب تقدل فوق حطام
ولا ب تنزل في فنادق وسطنا مراعيك قدام
فيا ملدوغ من اديس معوق في كوكدام
تعال عمر فينا ميس كفانا طشيش الكلام
جناحيك جنوب شمال وامش طوف يا حمام
محل غصن العزه مال عليك وعليهو السلام
حكيم الطير يا مهبر شراكه القتله اللئام
متين باسم الحق تكبر وبالرحمه تصلي امام
فلاحه العالم تعمر محبه موده ووئام
تشمر ساعد السلام
سوقني زمن كلو عافي نتاجو علم خيرو عام
بري ايمه من المنافي وطن وافي على الدوام