كلمات أغنية حوش الربيع
يا مبيتانى الليل قوي
وراجياني اجيب ليك الشمس
طالقانى فيك عكس الهوي وسابقانى
بى فسراع وامش
نقرشتى قلبى عشان يكون
يوم مهرجان سعفك برش انا ما نقدت
حب العيون لا من يحاحينى الرمش
ساعالى ناموس الشجون
وحامانى بى غنواتى اهش
مابين مرايات الظنون
فيك كل مره
بلاقى وش
بقبقتى بى ريح السراب
فانوس رؤاى والشوق عطش
وصقعالى بى داك السحاب بار البروق
واوعاك تطش
ولا همسه يا بنيه الغمام
الرش واديك مندهش
ليش لا قبض شتل الغرام
لا طيروا فيك سوالو عش
نوبه المجاذيب اترخت
ودرويشي ينقز مندرش
وانا روحى تقابه بخت ليها الله
لى رب العرش
فى الضلمه لسه بنات نعش
يابنيه بارى العنقريب
ضارب العريجي مجرد غش
فى سكه الشوق الخبيب
اندهدهت راجى الهواء
وعود التباشير يملا طيب
ينفخ مزامير الهوى
وعلى نقره العشق الرهيب
تصدح معانينا السوي
وتسكت زنازين الوجيب
وانا بيكى ببقى الكون ندى
وكل المواسم همبريب
لا ريده تتحترب صدا لا ظن
حبيب فى حبيب يخيب
العمر بالبسمه ابتدا والصرخه
ما صرخه نحيب
صرخه اريحيه ورضا
وانا راضى بي ذكراك نصيب
يا بنيه ما اكتر من بشر فى خير وشر
يختى ويصيب
يسعدنى اكونك من مطر
ما شرط طينك يستجيب
المهدى وين المنتظر عز الكدر
غير فى الحبيب
دي الكتمه
وكشر المطر
حوش الربيع الهمبريب