كلمات أغنية حد العشق

يا مالي عينى باليقين
ماليني لحد العشق
لمتين بتتوارى وتبين
لا تصفا لا يوم نتفق
انا كل ما اعتب عليك
من شوقي بالشوق بنحرق
يسبقني درويش الغرام
والقاهو فى ريدك غرق
امرق من الوهج العلى
و ادخل عليك زى البرق
تدخل متل ضل الضحى
وبالراحه تمرق منسرق
فاض الحنين والريد بحر
و اشواقي من شوقك فرق
فرق المشاعر الما نست
قدر الحبيب
لا شمتت فيهو الخلق
فرق الحنين
من زول بريدك بى صدق
كل ما طراك
بالفرحه يشهق و ينشرق
و انت الهناك
لا حن قلبك لا شفق
لو توهك وهم الظنون
من ياتو سكه بتتلحق
وياتو عشره تهون عليك
لا تسوى لا يوم تستحق
وانا ماحدقتك من زمان
كان اصلو هو الريد بالحدق
امرق هداك باب المروق
لو مره نقدر نفترق
وادخل بدسك فى العروق
ما اصلو دساس العرق
يا مالى عينى باليقين
ومالينى لحد العشق