كلمات أغنية انت كان ظلمتني

انت كان ظلمتني ربي قايل دار يخليك
لو شاك يا ظلوم في عدلو الله برا بوريك
انت يا جارح قليبي الصادي اكد حقي راجيك
شقيش ما تمشي صدقني يا مغرور بيلاقيك
انت سابح في بحور مجهوله طالق فيها صاريك
لا صرخه ضمير جواك لا وازع يقوليك
اتاريني اتخدعت انا فيك يوم قدست عينيك
انت همك من لقاي اللحظه دون احساس اتاريك
كيفن هان عليك تجرحنى والبي ما يبكيك
ولا تفتحلي الجحيم بي ناره ابوابه وشبابيكه
اذكرك الاماسي الحالمه احلامنا العراض ديك
لكن شن يجيب وريني ما دام قلبك استيكه
اتذكر زمن تلهمني واصدح بي غناويك
والفرح اليدورو قليبي تعزف فيهو مزيكا
والليله الهموم جواي تنقر في دلاليكه
شمت العزول في حالي حيرت الزمن فيك
ايه زنبي برغم جفاك لسه قلبي طاريك
لا قادر يسيبو هواك لا قادر يعاديك