كلمات أغنية سجود الاقلام

ليت الدقيقه في حضـورك مية عام
لجـل ما اعـد الثـانيــة والـدقيقة

وجهك كفيل ايتام وعيوني ايتام
ومبسمك فص من الذهب او بريقه

صوتك خمر ماحرمه دين الاسلام
ابيـك تـروي مسمـعـي مـن رحيقه

عطرك لو تعـدي من الشارع العام
تجمهروا حـولك جمـوع الخليقه

وتذن على بيـض الـورق بالحقيقه

محرابها دفتر به جـروح واللام
وسجادها سطر يواسي رفيقه

وعيونك النجلا مهـي رمح وسهام
فيهـا عـلاج القلـب من كـل ضيقه

والقطـره اللـي تدخل عيونـك تنام
تقول خلونـي هنـا مستذيقه

يا اغلا الانام وغيـر عن كل الانام
عطني لوصلك والملاقى طريقه

كل الحلول ختامهـا عض الابهام
الين صارت بين دمها غريقه

تعبت اسامـر نجمـة مستفيقه

شفت الامانـي كلهـا دونك اقزام
والذها وصل العشيق لعشيقه

تمشي بنا الايام والوم الايام
ماخلت الضميـان ينبل ريقه

دام القصيدة ناقصه بيت وختام
بعلمـك بيــت بفكـرة عميقه

اللي يعاتـب صاحبـه ماهو يلام
وان كان ماعاتبـه ماهو يطيقه