كلمات أغنية شباب ضايع

الدنيا رحلة قصيرة
والبنت لسه صغيرة
ألف رحمه ونور عليكي
يا نيرة

كل يوم بنشوف صورة
وقلوبنا م البكي معصورة
بننام ونصحي علي جريمة
وأخرها بنت المنصورة

دبح زميلته في وسط الناس
فين الرجولة فين الاحساس
هو الجواز بالعافية ياناس

اه يا زمان كله مرارة
دي قلوب ياناس ولا حجارة
القتل بقي سهل وعادي
يا خسارة ع الناس يا خسارة

حاجات تبكي وألماني
يا شباب مكتر احزاني
متربي علي عبده موته
والدسوقي والألماني

جريمة بتجر جريمة
وكل يوم حادثة اليمة
ومخدرات وشباب ضايع
وسببها افلام السيما

مليانة قسوة وغدارة
وشباب بيقتل مش عارف
فايقين ياناس ولا سكاري

شباب سارقها السكينة
و عايشة ضايعة ومسكينة
وكل يوم بنشوف حكايات
لاتقولي ريا ولا سكينة

امتي ياناس هنكون فوقنا
ونرجع لدينا واخلاقنا
حرام كفاية احنا تعبنا
بندعي ربنا يلحقنا