كلمات أغنية كاس المرار

كرهت خلاص أنا حياتي
ومن همى تعبلى الصبر
وعمرى عدا قدامي
ونفسي أموت وانزل قبر

وكان حلمى أعيش دنيا
ميكنش فيها غل وقهر
إتارى الدنيا دى فانيه
وأنا المزروع في وسط الشر

ملقتش حد ينصحنى
ويعدى بيا لبر أمان
وكأنى شيطان ومش إنسان

الكل داس على جرحى
وماعدش بنا رحمه خلاص
كان نفسي أشوف يوم فرحى
لقيت الغدر جوه الناس

أنا المظلوم من الدنيا
ومن اهلى واحبابى
مش شايف فيكى غير جرحى
يادنيا لماذا بيعانى

مابقتش قادر اتألم
وأنا التايه ف احزانى
من جرحك هفضل أتعلم
وأكون ظالم وأكون جانى

من اللى كانوا يوم ليا
وغدر الناس أنا عرفته
وعشته وشوفته بعنيا

يا جرحي حبه من فضلك
دى الدمعه رايحه مش جايه
صبرت كتير أنا ف غلبك
وبعت خلاص أنا الدنيا

ياصاحبى فينك مش شايفك
ف الشده جنبى تحمينى
أتارى الغدر كان صنفك
وكان همك تبكينى

وأنا إللى كنت كتير شايلك
ازاى ياصاحبى تأزينى
وكنت اخفف أنا هامك
ف وسط النار بترمينى

إتارى الغدر كان طبعك
وعيشى وملحى دا نسيته
ووش الحقد كان طارحك
ووش الطيبه خبيته

رساله هقولها يازميلى
ياريت تروح بعيد عنى
وبكره الفرحه دى تجينى
والضحكه في وشي ترسمني

غريبه حياتى من صغرى
ومش عارف انا أعدلها
وكله يعدى من عمرى
وكبرت قبل ما اكملها

سنين محذوفه قدامى
وبتعدى بدون فرحه
مابقتش بحسب يازمانى
حياتى كلها غربه

بطاقتى عنونها مكانى
سجل الهم والصدمه
وعايش جوه حرمانى
وخدت الضربه انا القاضيه

حتى اللى كنت انا ليهم
دبحونى قبل ما يسموه
وكنت بعمرى أفديهم
وكأنى غريب ومش منهم

لا أهل صانوا هنا العشره
ولا حفظوا جميل فيهم
وطلعه صفيح كمان قشره
من جوه حياتى هرميهم

وكان ذنبي اعيش طيب
ف وسط دنيا كدابه
خلاص ياحزن انا هبعد
مليت حياتى بكئابه