كلمات أغنية همس الشوق
يا ريتنى لو اقدر اقول
فيك الكلام الما انكتب
واجلي المقاطع بالذهب
وافرد صباح حسنك وشاح
يمسح عذاب عمري المسطر باللهب
بريدك
كلمه كان رفت
يهش ثغر النجوم و يسطع
ولما ينادى همس الشوق
يقيف كل الزمن ويسمع
عيونك ديل عيون اهلي
الحنان زى نغمه في مقطع
وطهرك تاج جواهره العزه
وانت العزه ليك تركع
بحبك يا صباح العيد
ويا فرح العريس السار
واحسك في سما الازمان
شمس بتضوى للمشوار
زمان يا حلوه ساقني الليل
وغبت وضعت في الاسفار
ولما لقيت عيونك ديل
بديت اعشق عيون الدار
وحياه ريدي اللي شاف طيفك
كثير قبال يلاقى ويشوف
جراح الماضي بيك نامت
وغابت كل رعشه خوف
بحبك ومافى غيرك نور
يهل ويغمر طريق الشوق
وما في بلاك نور بسطع
ولا فرحا يسوقني يطوف