كلمات أغنية مزاين الخيمه

قرب الوعد والتحدي يحتاج جهد وعزايم
والي ما يقوى التنافس يترك كبار الدعاوي

من لا يشمر كمومه ماهو يضوي الغنايم
العز يبغي امغامر ماهوب يرحم وياوي

ومزاين الخيمه اللي تحكي به الناس دايم
اصبح حديث المجالس والفوز فيه المناوي

قامو به اهل المكارم الي لوفاهم قدايم
تبرعو من كرمهم من طيبهم والنخاوي

لا تراث اهلنا الحقيقي وارضا هل البل فداوي

يعيش من ذا اقتراحه في المعضلات العظايم
وتنافس البل معزه للي للانجاز هااوي

والقدر بين النشاما ما يضيع عند البهايم
ما يثر منافس البل على كبار الهقاوي

والسيف مع الكلوزر ماتجيبه عزوم نايم
يبغي شجاع محنك على الصعيبات قاوي

مشراه ماهو يتنازل لاذعذن النسايم
يرسي ونظرته قمه لاضاعو اهل الاداوي

ويبغي سناد عديمه فالوصف والخشم قايم
معها النوادر مقاني والعظم جثل ورهاوي

وفيها دلع بنت شيخ تلعب بقلب الهواوي

وفيها من المهره الي ما تنملك بالشكايم
لا دبرت فاسطبلها تحيي الفواد السناوي

محشومه من الايادي ومحللين الجرايم
وعواقب الغش دايم ترجع هموم وبلاوي

ما يعبر الا سليمه ما به عليها قسايم
ومرشحه قبل تاتي ماقدمتها الرشاوي

من فاز ولا تنومس ماله الى شاش لايم
النصر يختف منه اللي ثقيل وحماوي

وشوف الجماهير لاومو عقب النصر بالعمايم
يزود فالمعنويه للفقري وللغناوي

مشاعر ن ما يعرفها الا هل الفوز دايم
كيف يعالج خواها عن كيف كل القهاوي

والنادر اللي تنومس الها تسوى الكرايم
وتستاهل انها توشح الها ببشت حساوي