كلمات أغنية قراري

لو طالت الايام وانا اتحراك
والله ما اغير نقطة في قراري

ولو يمّحي عقلي فلا يوم بنساك
شلون بنسى رغبتي واختياري

لحظات فكري ما تبي غير طرياك
مافيه يوم(ن)غاب لك فيه طاري

ما ودي بغيرك ولا ودي اسلاك
انت الوحيد اللي يعيش بمداري

ذكراك تملى وحشتي وانكساري

وان شفت زولك قلت ياحي ملفاك
ومن عقب شوفك ما طرا لي طواري

حار العقل في شوفتك ما تعداك
يا احلى بنات ادم طوال وقصاري

سبحان ربي يا الغضي كيف مهداك
اسمع طرف ضحكك واتوه بمساري

يا بخته الفنجال في كف يمناك
ويا غيرتي من خاتمك والصواري

ومنهو تشبه بك عسى دوم يفداك
وش جاب راس التوب للانحداري

في ذا الزمن مالك شبيه(ن) يباري

بالمختصر رسالتي خص تنصاك
الحب ماهو غصب ولا اختياري