كلمات أغنية ديكتاتور

كل العالم مغدورة
كل العالم منخانة
مينو هالابن الحرام
الخلا عيونن بكيانة
عطوني إسمو عطوني رقمو
يا شباب ويا صبايا
يللي مركعكن ب لئـمو
ومبكي ضعاف وقـوايا
ما عم بعرف مين الجاني
هالديكتاتور الأناني
المستبد المش إنساني
اللي موقع كل هالضحايا

كلن صار قلبن طيب
نغمة العالم حفظتها
حتى التاريخو بيشيب
وعمل السبعة ودمتها
صار يقلك مين الظالم
اللي سارق حقي وغراضي
اذا كلا شيوخ وأوادم
ليش المحاكم والقاضي
كياس المحارم مقطوعة
التماسيح سلاحا دموعا
بتفكر إنا موجوعة
وبتتفاجأ بالنوايا