كلمات أغنية المجنون
قطعتي فوق اكتافي
الواد الحامل و امشيتي
اهجرتيني خليتك
دارت ليام و جيتي
روح يا القاضي غرضك فيا
لوح الشمته عل لمغفل
لا تخدعنيش بحيلاتك
لا تسقيني السم ف لعسل
سال مجرب عضه حيه
مالو يتهرب من لحبل
يكفيني مره اشمتيني
و ازبرتيني زبره منجل
مجنون انا ايلا نﯖول
راني باقي نثيق فيك
ننسى مراير كاس لغدر
اللي شربتو على يديك
مخبول انا ايلا بريت
و نسيت احزاني
و رجعت نكول يا الجارح
اجرحني ثاني
اواه لو كنتي
مثال جميل يا الهاجر
ما خنتي العاهد
ما غرت بيك لمظاهر
اواه لو كنتي نعم المثال
رافع الراس
ترواك المحبه ما تعبرها
بجوهر و ماس