كلمات أغنية انا مش بخير
- كلمات
- اسامه ابانوب
- ألحان
- محمد صيام
انا مش بخير انا جوى مني حاجات كتيره مكتفاني
في كوم وجع وهموم كبيره معجزاني
مش لاقي حاجه في الحياة دي مقوياني
من يوم ماجيت الدنيا وانا شايف كتير
انا مش بخير
تعبان بموت وسنين تفوت واقف مكاني
مليون محاوله عشان اقوم واتهد تاني
انا نفسي اعرف فيا ايه ماعرفش مالي
كل اللي عارفه الفتره دي انا مش بخير
كل اللي متعود عليه في الدنيا اني
كل اللي حبيتهم قوي بيضيعوا مني
ليه كل ماتعلق بحاجه قوام تسيبني
انا مش بخير
انا دمعه نزلت ناس كتير ضحكت عليها
انا ورده دبلت مالقيتش حد اهتم بيها
انا ضحكه طعم الحزن كاسرها وطافيها
انا حد مات من كتر اللي فيه
انا مش بخير
انسان ماسابش علامه في حياة اللي عرفه
مالقاش في حد في ضهره او واقف في صفه
بيبان قصاد الناس قوي بيداري ضعفه
شايل حمول زادت قوي وتقلت عليه