كلمات أغنية الغيبوبة
- كلمات
- عادل حراز
- ألحان
- احمد بدوي
أوعى تفوق من الغيبوبة
خليك سرحان
إسكر في أغسطس وفي طوبة
بس بشرط تكون إنسان
ميغركش من الألوان
لون البدلة والفستان
ممكن في خيوط البدلة تلاقي
الأصل يا عيني كان قفطان
ممكن برضوا في الفستان
فتلة قديمة كان ليها قيمة
وكان ياما كان
الله يرحم فقر زمان
ممكن تلبس كل هدوم الدنيا
ومن جواك تفضل عريان
بكرة الدنيا في وشك تضحك
خليك فرحان أجمل من كل كنوز الدنيا
لحظة روقان
ميغركش من الألوان
لون البدلة والفستان
أوعى تغرك الألوان
لون البدلة والفستان
يمكن في خيوط البدلة تلاقي
في الأصل يا عيني كان قفطان
ممكن برضوا في الفستان
فتلة قديمة كان ليها قيمة
الله يرحم فقر زمان
ممكن تلبس كل هدوم الدنيا
ومن جواك تفضل عريان