كلمات أغنية عزوة بلي

ماكل داعي لادعاني جيته
لو ان بيته مدهل الطرقيه

ويش النبا لآصار وجهك عابس
لو بمرقة هذي تقلط ذيه

ماني رفيق اللي يخون الرفقه
أنا رفيق الواحد من الميه

قضاعي وألوذ دون قضاعه
وعليهم براسي سطر وحميه

الشان واحد والمبادي زيه

دعوة بلي وشلون مالبيها
الدعوه اللي تستحق الجيه

من قبل يربطنا الرحم والجيره
من بيننا عشره ماهي عاديه

العذر من دون الخوي ماسوقه
ياللي تسوق أعذارك الوهميه

يابو حميد ابشر وهمك جله
رد الوفا طبعي وأنا راعيه

أجيك كلي ياعمر واتعب لك
واصخر لك الأبيات والقافيه

لو نختلف فـ بطاقة الهويه

بسم حميد صقير واسم عياله
يامرحبا ترحيبة مثنيه

على النبأ اللي يجذب المتعدي
وبن اليمن من فوق نار حيه

وعلى عيال الضان وعيال اللي
تطوي بيدها الكوره الارضيه

في حلة أهل الطيب وأهل الواجب
وأهل الظفر والوقفه المسميه

عزوة بلي ساس الفخر وعموقه
الروس حيه والروابع حيه

بلي مقابيس الوغا وأبطاله
يوم انها بالسيف والجنبيه

ديارهم محدن يدوس حماها
حامينها خياله ورجليه

يكفيهم من المفخره ذروتها
يوم ان كلن يفخر بماضيه

من قبل الإسلام وبعد الإسلامي
و أمجادهم مسموعه ومقريه

أنصار مبعوث الهدي واصحابه
ودون العقيدة ينطحون الهيه