كلمات أغنية دكتور النظر

دندن الهاجوس عقب غياب وضروف عنيده
مرحبا بالهاجس الي لاحضر كلن درى به

والحساب الي نحسبه للمهمات الشديده
غيرنا لاهو بيدري به ولايحسب حسابه

واحتفال الناس في راس السنه بدعه جديده
لاهو بنهج الرسول ولابنهج الصحابه

والا حنا نحتفل باللي عسا ربي يزيده
كل ماجينا وواعدنا على الناموس جابه

لاهي بنفعة صديق ولا هي بفزعة قرابه

دافع فاتورة الناموس شندي من رصيده
كل يوم وليل والشيكات تغرف من حسابه

يشتري واليا شرى مايشتري غير الفريده
كل عقلا خشمها قوسه مثل قوس الربابه

لادخلت في ساحة الميدان مامعها نديده
تاخذ الترشيح والتتويج مافيها طلابه

يشتريها فوق قيمة سوقها ماهي بصيده
مايسوم يقول راعيها بكم هو حدها به

يعشق الناموس والناموس يجري في وريده
وان دخل في الشوط غير الرقم الاول مارضا به

لاهقى بالعلم عد العلم صار الي هقا به

مدرسة فهاد بن جخدب نتايجها وكيده
خرجت رمز الشجاعه والشهامه والمهابه

يامحمد ياعجب عين الرفيق وياسنيده
يامحمد ياعمى عين الخصيم وياعذابه

انت زيزوم السرب وانت السبر وانت القعيده
وانت راس الحربه الي نعتزي به في المجابه

من تحزم بك دخل بوابة الامجاد سيده
ومن تعدوى لك يبي يبطي وهو يشكي صوابه

الضحايا لو بعد اسماهم تعبي جريده
احد يرغي واحد يمشي وهو ماقال جابه

ياعدو القوم ماخليت لاخصامك شريده
واشهد ان من لم يكن ذيب تعشاه الذيابه

انت دكتور النظر واستاذه الا سيد سيده
لاغرابه يابن جخدب لاغرابه لاغرابه

جعلنا مانفقد محمد ولانفقد عضيده
الفهد سيف مضاريبه تسلي من صطابه

ارجح تنبع ينابيع الندى من راحة ايده
كاسب قولة نعم والمدح في مقدم شبابه

لااجتمع مال ونظر واصرار وعزوم جويده
صار فعل مثل فعله في الصياهد ينحكا به

ال جخدب مدرسة تاريخ وامجاد تليده
سيفنا الي في الملاقى سلته تحمى نصابه

كل عام نكتب التاريخ والماضي نعيده
كاتب التاريخ ياقحطان تعب من الكتابه

اهل عن وسن واهل علوم وسلوم مجيده
انشد التاريخ والتاريخ يعطيك الاجابه

ان بطشنا بطشنا موجع ووطيتنا شديده
وان صفينا اصفى من القرهود واحلى من شرابه

والولى لله وللدين وحكومتنا الرشيده
الوطن حنا جنوده بالعمر نفدى ترابه

والكلام الي يذب الريع في بيت القصيده
لا غرابه يابن جخدب لاغرابه لاغرابه