كلمات أغنية تغيرنا

حبيبي وش بقى مني ومنك في سنين الهم
تغيرنا وكل يحسب الثاني هو المجفي

تجافينا كثر ما كانت الصده ثقيلة دم
وتغربنا ولا عدنا ولا عاد اللقاء يشفي

اعرف الرايح بعمري ولا ادري بقى لي كم
ولكني دريت إني لقيت بقسوتك حتفي

احس انك تعرف إني عليك أوله ولا تهتم
واحس إني تماديت بغلاك وماقدرت اخفي

وش الي قلت لك غير إني احبك وماتكفي

من الي انخذل فينا ترى باقي عتب ماتم
أنا يوميا أشب الحكي ويرمد ويطفي

تغيب الي تغيبه والزمان الي يغرك خم
يتوهك بكثيره وان بغيته صدق مايضفي

أنا كل الديار الي تسافرها وكل اليم
وأنا كل شي بعيونك ولا يمكن اجي منفي

وش يخلصك مني ليتها بيدي وأقلك سم
ونتفارق أنا وياك عادي والكدر يصفي

ولكنك خذيت من العمر والذكريات الجم
على كثر العفو صدقني بهذي عجزت اعفي

وترى للحين عطرك في ثيابي ودمعك بكتفي

احبك كثر ما استنزفتني شعر ولحون وغم
واحبك كثر ماصاحت جروحي وماقدر وصفي

أنا الي طاح من صدري عجزت احايله والم
كثييير اكثر من الي طاح من عيني وأنا مقفي