كلمات أغنية ساعات اقوم الصبح
ساعات اقوم الصبح قلبي حزين
اطل برا الباب ياخدني الحنين
اللي اشتريتو انباع
واللي لاقيتو ضاع
وفات الانين
وارجع واقول ارجع واقول
لسه الطيور بتحن
والنحلات بتطن
والطفل يضحك ويرن
مع ان مش كل البشر فرحانين
حبيبي سكر مر طعم الهوى
فرق ما بيننا البين ماعدناش سوا
حرام عليك ياعذاب
نبقى كده اغراب
ده البعد والله جرح من غير دوا
وارجع واقول ارجع واقول
لسه الطيور بتحن
والنحلات بتطن
والطفل يضحك ويرن
مع ان مش كل البشر فرحانين
ادي اللي كان وادي القدر وادي المصير
نودع الماضي وحلمه الكبير
نودع الافراح نودع الاشباح
راح اللي راح ما عادش فاضل كثير
ايه العمل دلوقتي ده يا صديق
غير اننا عند افتراق الطريق
نبص قدامنا على شمس احلامنا
نلقاها بتشق السحاب الغميق
وارجع واقول ارجع واقول
لسه الطيور بتحن
والنحلات بتطن
والطفل يضحك ويرن
مع ان مش كل البشر فرحانين