كلمات أغنية حمدان امك تناديك

وين انت يا حمدان امك تناديك
وراك ما تسمع شكايا وندايا
يامسندي قلبي على الدوم يطريك
ماغبت عن عيني وطيفك سمايا
هذي ثلاث سنين والعين تبكيك
ما شفت زولك زاير ياضنايا
تذكر حياتي يوم اشيلك واداريك
والاعبك دايم وتمشي ورايا
ترقد على صوتي وحضني يدفيك
ماغيرك احد ساكن في حشايا
واليا مرضت اسهر بقربك واداريك
ما اذوق طعم النوم صبح ومسايا
تكبر وتكبر بـ الامل يامنايا
لكن خساره بعتني اليوم وشفيك
واخلصت للزوجه وانا لي شقايا
انا ادري انها قاسيه ما تخليك
قالت عجوزك ما ابيها معايا
خليتني وسط المصحه وانا ارجيك
هذا جزا المعروف وهذا جزايا
ياليتني خدامتن بين اياديك
من شان اشوفك كل يوم برضايا
مشكور ياوليدي وتشكر مساعيك
وادعي لك الله دايم بالهدايا
حمدان يا حمدان امك توصيك
اخاف ما تلحق تشوف الوصايا
اوصيت دكتور المصحه بيعطيك
رسالتي وحروفها من بكايا
وان مت لا تبخل على بدعاويك
واطلب لي الغفران وهذا رجايا

معلومات الاغنية
غناء : ماجد بو سويحل - فهد العبيه
ايقاعات : دحوم الدوسري
عزف و توزيع : عبود أبوظهير
اشراف عام : أ / فهد العبيه
مونتاج : مود الاسمراني