كلمات أغنية واخيرا

واخيرا فقت ورقت لما اتبينت مين الغلطان
واخيرا جيت وسالت وخير ما عملت انك ندمان
غلطان ندمان يتساووا مادمت رجعت بشوق ولهان
كده احسن ما تبوس راسي خلاص انا قلبي ماهوش زعلان

رجعت الفرحة لنفسي وعادت لشفايفي البسمات
وهديت ونسيت ورضيت عن كل ما عدى ومر وفات
وساعات الدمع الاسف يرضي ويغني عن الكلمات
والحق لما يبان وحده مابيحتجش كمان لبيان
غلطان ندمان يتساووا مادمت رجعت بشوق ولهان
كده احسن ما تبوس راسي خلاص انا قلبي ماهوش زعلان

مبروك الود علينا دي عودته الينا تساوي كتير
ده كان الدنيا اتصالحت شرق وغرب وغني وفقير
واللي يحب ما يكرهش ولا يقدرش على التغيير
يكفاني انك حقاني وراجع تاني زي زمان
غلطان ندمان يتساووا مادمت رجعت بشوق ولهان
كده احسن ما تبوس راسي خلاص انا قلبي ماهوش زعلان