كلمات أغنية اكتر من روحي بحبك

اكتر من روحي باحبك بحقيقي باحبك اكتر
وشعوري بحبك اكبر من انه بشئ يتقدر

ولا كل لغات الدنيا تقدر عن حبي تعبر
وغنايا بكلمة احبك
بالنسبة لدرجة حبك
رمز صغير مش اكتر
اكتر من روحي باحبك

وتصور حب الازهار لربيعها يجي يزوق ويعطر
حب الاشجار وفروعها للندى ف الصبح يقطر
وتصور حب الاطيار ف عششها لصغارها لحد ما تكبر
تصور كل ده كله تلاقيني باحبك اكتر

اكتر من روحي باحبك
وتصور حب الشاعر للمعنى حب الرسام للمنظر
حب الكروان للمغنى بالليل لوليف مستنظر
وتصور حب السهران للنجمة تونسه على قد ما يسهر
حب الحران للنسمة ف الصيف والجو محرر
تصور كل ده كله تلاقيني باحبك اكتر

اكتر من روحي باحبك
وتصور حب المخلص لحبيبه اللي ولا بايه يتغير
حب المؤمن لنصيبه للقسمة والمتقدر
وتصور حب الانسان لوجوده لو حس بعمره بيقصر
حب الشبان لاملها حب الاطفال للسكر
تصور كل ده كله تلاقيني باحبك اكتر
اكتر من روحي باحبك