كلمات أغنية نبض القلوب
يا شيخنا سلطان يا نبض القلوب
مجدك سما كل العيون اتعانقه
من نور وجهك نورنا ما له غروب
و يمناك دايم بالعطايا سابقه
للشارجه بين الدرر عز امحسوب
تبقى جواهر من غلاها فارقه
من بحرها وجبالها ومن كل صوب
امست عروس ف بحر خيرك غارقه
ذكرك عطر كل النسايم و الهبوب
وارواحنا بغصون ظلك وارقه
لبستها بشت الفخر و العز ثوب
وشمسك عليها بالمكارم شارقه
في شوفتك تعشب وتتبسم دروب
و يا بخت باب كف طيبك طارقه
سلطان الله يحفظك بين القلوب
والله يديمك في العيون العاشقه