كلمات أغنية اهل الشيم

يا طير لا حدرت ع روس العطا
‎اتحب راس الطايله وارجالها

‎لك حق لان افعالهم تشهد لهم
‎طابت بهم كل الطبيعه فالها

‎على سفوح هضابها وتلالها
‎غنى الحمام وناح تحت ظلالها

‎راعي الهدد لا فك طيره بالسما
‎طريدته من ربدها يبرا لها

‎والعشب غطى رمالها وكثبانها
‎لين اصبحت جنه يسرك حالها

‎الريم فالمرموم على الياري تقف
‎بوراشد محمد رفع منزالها

‎ومنسوعه الغارب تسابق خفها
‎تختار من قرموصها واشتالها

‎والعاديات الضبح يعدن والرمك
‎تختال في مضمارها وخيالها

‎والباسقات عذوقهن مثل التبر
‎دارن على الصاروي وسط رمالها

‎الصير والمرزوم والريف شهدن
‎والقرم كنه لبوظبي سلسالها

‎واهل البحر قيعانهم خيراتها
‎ممزوره ما خيبت من سالها

‎ع منحر العذرى يلاضي درها
‎ما ودك الا ف الحياه قبالها

‎سلام لرجال على البيئه وقفوا
‎وقفه تحدي ببحرها ويبالها

‎اهل الشيم فخر الوطن بافعالهم
‎سيل العطا غيمه دفق همالها