كلمات أغنية اللي باعني مره بالسلامة

الدنيا مالها بقت بتكره ضحكتي
أنا لو هموت حالف لاكمل سكتي
ده الكل بان على أصله تسلم شدتي
ملقيتش غير ايدي اللي تمسح دمعتي

اللي باعني مره بالسلامه
كله جوه قلبي ساب علامه
مفيش بجد داعي للملامة
احساسنا اتبدل
يلا بره غورو من حياتي
مش هحب تاني من الليله دي
جنابكو بشقا ايوا مش فلاتي

شايف سواد وعينيا قافله ومش بشوف
أيام عايشها بنام وبصحى على الكيوف
ده انا كنت طيب بس آه منها الظروف
بتحول الغلبان شيطان مبقاش في خوف

البشر بجد غلبوني
عيشتها بطيابه عذبوني
اما جيبي يفضا بيسيبوني
ويعاملوني ميري

الحياة معانده فيا ليه
بحب ناس بتعشق الجنيه
عيشي ملحي كله داس عليه
دول ناكرين خيري

معمول حسابه في اي حته وبالأصول
امبابه دوله وعمرها ما جابت فرفور
بشتيل بلدنا تحط حط على اللي يثور

ده الخلق لو قدرتهم هيقلو بيك
والبت لو هتحبها هتعيش عليك
اوعاك تأمن للزمن وافتح عينيك
فكر في نفسك انت مين هيفكر فيك

الخيانه جرحت القلوب
والنفوس بتعشق الذنوب
بيتكو من إزاز وترمو طوب
زمن العجايب

ماتت المحبة والاصول
والندالة خطفت العقول
وبردو بتخونوني مهما اقول
ان انتو حبايب

أول ما احس اني اتخنقت
بروح واسيب
جرح الاحبة ملوش علاج
وملوش طبيب

على طول بعافر
بس برده مليش نصيب
اذا كان صحاب
أو كان فلوس أو كان حبيب

البنات كرهتهم بسببك
السواد بجد مالي قلبك
فاكره لما قولتلك بحبك
كنت انا بكذب

الفراق ده احسن اتجاه
والحياه معاها مش حياه
راحت لغيري عشان معاه
وبكت وبيكسب

القسوه مفتاح الحياه
طب احن ليه
بقى كله ناسي
ايه عليه وفاكر اللي ليه

هيموتك اللي انت
كنت بتموت عليه
لأ مش هيبيعك
غير اللي انت هتشتريه

مش هحل فيكو اي واحد
هتشوفوني حد بس جاحد
اي حاجه حلوة فيا راحت
وبقيت شرير

حفره بعد منها حفره تانية
نفسي اشوفلي اي دنيا تانية
انا من زمان يا ناس طالع عينيا
مبقيتش بخير