كلمات أغنية مطلوب زعيم
- كلمات
- امير عيد
- ألحان
- كاريوكي
مطلوب زعيم
لشعب طول عمره عظيم
لشعب كان فاعل زمان
لكنه هان
حتى انه ثار
بايدين كبار وايدين صغار
مفعول به بيقسموا ويفرقوا
و يقطعوا فى عين اللي جابوا
واللى جابوا ابوه
علشان يموت او ينتهى
مطلوب زعيم
لشعب حكامه خانوه
وفاق غموله عينه كمموه
وسلموه فى المعتقل
لكلاب جعانه يقطعوه
لكنه رغم القهر قام زئر وزام
وفى اسبوعين زلزل حصون الجلادين
هد النظام فوق راس جميع المفسدين
مطلوب زعيم
يحمى الحدود
يعدل ما بين الناس تمام زى الفاروق
ويكون حنين على الفقير
وع اللي فاسد يفترى
يهدم على دماغه الشقوق
ويعقله فى المشنقه
او يرفعوا على راس خذوق
مطلوب زعيم
ميقولش على الخواف حكيم
ويكون كمان سمعه سليم
ويكون مكانه فى وسطنا
ما يعيشى ابدا فى القصور
والبعض منا للاسف ساكنين قبور
يشرب و ياكل اكلنا
و يعيش كواحد مننا
يسمعلنا ويشور وياخد راينا
وقت الخطر نتلم حواليه كلنا
ونضحى وياه بعمرنا
مطلوب زعيم
ع المسؤليه يكون امين
ويكون جرئ ويكون شجاع
مش امعه وحته بتاع
يعرف يقول للظلم لا
ويموت ولا يفرق فى حق
مطلوب زعيم
نقدر نحاسبه بالقانون
اونعزله لو للامانه يوم يخون
لا يشترط للشكل ايه
لا يشترط للسن ايه
لا يشترط للمله ايه
شرطه الوحيد يكون بشر
بالاختصاااااار مطلوب دكر