كلمات أغنية روح الروح

لوعة من فيض الالام عم تحرق رمش جفوني

يا بنتي غدر الايام سرق النور من عيوني

كنتي نجمة بقلب البيت مضواية عتمات الدار

ياما يا عمري اتمنيت شوفك حدي ليل نهار

شو بتنفع كلمة ياريت يا زهراء بهالمضمار

روحي كرمالك حطيت تا رد الموت الغدار

شو بيعمل قلبي المجروح يا بيي يا روح الروح

عم بينادي وين ما يروح ضايع ع دروب الحسرات

وينها بنتي دلوني

رحتي يا امي بكير طفلة بعمر الوردات

من بعدك شو بدو يصير يا زنبق عطر النسمات

عم بحلم شوفك بسرير تعطينا اجمل ضحكات

يطلع من تمك الصغير ضحكة في الها حكايات

تركتي الحسرة بضلوعي يا اول نور شموعي

بعيوني نشفوا دموعي غيابك يا امي خلا

يجف الدمع من عيوني

دمعة بتقلك عني وينك ردي وحاكيني

غيابك والله جنني بقبرك حدك خليني

روحي رح تطلع مني من فردوسك شوفيني

حتى من روض الجنة روح وفرحة تعطيني

كنا فيكي مسرورين باول نجمة فرحانين

وهلق صرنا مكسورين الخاطر وعيوني بتقول

بدي بنتي تعطوني

المناسبة : اهداء الى روح فقيدة الطفولة زهراء حسين زرقط

تلحين : قاسم حمادي

تنفيذ : حسين علامة