كلمات أغنية شياطين

بيني وبين احلام عمري شياطين
كل ما تقدم خطوتي رجعوني
الله يهونها علي يا مسلمين
والله يبلا اللي بعمري بلوني

خلوني في دنياي تايه ومسكين
ابختصر كل الحكي عذبوني
فيهم حسد ما شافته يا عرب عين
في كل شي في حياتي حسدوني

يا هم بلوني وذبحوني بسكين
يا الله ساعدني وخفف طعوني
مسكين يا قلبي انا اروح من وين
الله يصبرني ويرحم عيوني

ما هيب مره لا ولا هيب ثنين
الا ثلاث ثابته حطموني
ضاعت حياتي ما بقى فيه بعدين
الناس راحوا وابعدوا واتركوني