كلمات أغنية وقفة ابن العم

ابتدا صمخ القصيده ومعناها ثمين
والا انا مبطي من الشعر في اشغال الحياه

كنها على ماقالو قصيدة شاعرين
ومدحة ماهيب تنشب لساني في جماه

والقصيده مستعد اني اكتبها يالين
تنتثر من راس ابو علي في عرق الوطاه

ومن يلوم المهتوي للمدح في الطيبين
كنه يلوم القحاطين في حب الحصاه

من قلوب ولفها للخشوم وللجباه

مثل ولف اهل السنابات والمتشيخين
كل شيخ يرثع ويرثع سنابه وراه

جعلهم فدوة بني عمي المتبجحين
اللي اصغر فعلهم يكرم السنة الرواه

وقفة ابن العم لعيال عمه فرض عين
ومثل خالد بن حسن حي طاريه ونباه

الرفيق اللي على ذراعي الايمن عوين
الله انه لا يبين محبته وغلاه

والله مايامر لا مره ولا هي مرتين
ولا تغيره الليالي عسى الدنيا فداه

من حدته ظروف الايام دوره ولقاه

ابو خالد ريف ربعه وذباح السمين
ابلج دايم حجاجه ضحوك لمن نصاه

كرنفال عالمي لجل عبدالله يزين
جيت ابارك من محبه ومن داعي وفاه

في زواجه جعل ربي على طول السنين
يرزقه ويوفقه بالعيال وبالغناه

ودايم وروس البداحين فوق الفرقدين
ونجمها في وادي سبيع يلمع في سماه

البداحين البداحين يالاسم الثمين
اسم لحاله فعوله وسطوته تحماه

وعزوتي لاد المديري كعام الطايشين
عزوة مافوقها الا الله بعالي سماه

يامراقيب الشحم يالدهاه الصاملين
لابتي يلاد مدران يامال الغناه

قوم لنطحة هل الطيب دايم مقدمين
ينطحون الطيب بالطيب مع وجه وجاه

دون زاهية الفقاير مهجرعة الحنين
لـ اجلها نستقبل الموت ونبيع الحياه

ماضرينا بالضعافه على طول السنين
ومن زبنا يبتجح لا ذكرنا من وراه