كلمات أغنية طرف الليل

طرف الليل والاشواق حراقه
والمواعيد ملت من تحريها
كل ماوايقت عيني مع الطاقه
تلمح وجيه تبغاني ولا ابيها
مالها لا جمل عندي ولاناقه
كل عين تلد لعين غاليها
ماثنى عرق صدري فوق خفاقه
غير مهرة عقيد عند راعيها
بنت قوم على الوقفات سباقه
تعرف فعولها قدام اساميها
الطواري تمر ابها على فاقه
حي طاري الغرام وحي طاريها
كابرت لين جاب الشوق تاليها
اقبلت للقاء والعشق تواقه
كل غصن ايتثنى من تثنيها
خلت اطول ظفايرها على الساقه
كنها الليل والصبح امتقفيها
غيمة من حقوق الوسم منساقه
دكها البرق واشتبت مثانيها
استباحت حشاي وقدت ارواقه
وامطرت في ضلوعي عز واليها
قالت البعد هز الغصن واوراقه
قلت حبل خذا الدلو بعراويها
اعطي الطير حريته ومسباقه
وده يصيدها والا يخاويها
لكن الورده الحمراء من الباقه
اخذي العمر يفداك وعطينيها