كلمات أغنية طاحت من يديني
- كلمات
- عبدالله عوض الجذع
- ألحان
- فيصل المداريه
لايا عذابي كل ماطرف الليل
وصار الشفق خلف الهضاب متواري
احس لي في ضيقتن تبهت الحيل
الله يعدي ضيقتك يالعصاري
مغير اقزرها بصبر وتهاليل
وسجت قدم من الطواري طواري
ولا ارتاح لين امر بعض المداهيل
لونها تذرا عليها الذواري
كبن فيك من المواري مواري
اجيك مثل اللي يدور له دخيل
وارتاح لو مافيك غير القماري
لاشاكين حاجه ولا مونسن ميل
اعيش عيشت ذيب والا انتحاري
متني يشيل اللي مايشتاهل شعيل
وراسي يماري كل راسن يماري
مير البلا والهم والسم والويل
فرقا تخلي صامل العضم عاري
جتني على غره وغفله تنكيل
وطعونها اكبر من طعون الشباري
وكابرت ماودي يبين انكساري
ي عاذلي ماينفع القال والقيل
واللي بقلبي ماحدن عنه داري
دار الزمان فتحن المقافيل
المعذره صار الهبوط اظراري
بعد السوالي اللي مايحتاج تحليل
ادراه لو من ي سأله مايداري
الحب والله ماهو بكذبة ابريل
ياليت للفرقا طبيب استشاري
يروح جيل وينتمي بعدها جيل
واهيه هواي ومنيتي واختياري
والله مابي فيها من البيض تبديل
لو عشت باق العمر مالي مباري
هي زينة الدنيا وهي صفوة الجيل
طاحت من يديني علي حظ غاري
شيهانتن لو جودتها المحابيل
يمديني انقل مع هل الصيد طاري
حبي لها أصفى من غشين الهماليل
فدوه غلاها لابسات الخزاري
عزاي في نود تجي يمت سهيل
كنها تزف انفاس عطرك ل داري
ي مترفه بعدك حياتي غرابيل
اجاري العالم ولالي مجاري
عينك وسلهام الرموش المضاليل
من شافها تخلف طريقه جباري
عين اشقرن مبداه روس الاقاذيل
يشبحبها يم القطها والحباري
منتوق عنق ب الشبه والتماثيل
مايشبه الاعنق ضبي العفاري
جسمن عطالله جمال وتفاصيل
مقسمن مابين ناحل وفاري
اليا تمايلتي بمجدولك يميل
من دق خصرك كن للخصر باري
زينك طبيعي مايبي زود تجميل
والبيض في حضرتك مثل الجواري
اليا تمايلتي بمجدولك يميل
من دق خصرك كن للخصر باري
زينك طبيعي مايبي زود تجميل
والبيض في حضرتك مثل الجواري
اليا لعبتي مال هنه مداخيل
كلن تدور عنك مخرج طواري
زودن على ذالك حفيده حلاحيل
وحبيبة الي لجل حبك يثاري
لون مابيني وبينك مواصيل
ياوجد حالي كل مامر طاري
لو مامضى يصير ضمن المقابيل
لتصير حرب مثل ذات الصواري