كلمات أغنية العروش الفيصلية

صب لي ياللي تسوق الشاذليه
القوافي خيلت وارعد سماها

يوم ابو تركي على ظهر العبيه
قامت الغلبا جبرها واومراها

صفنا واحد سبيع العامريه
لا شعمنا النار مايجهل سناها

فزعة معزي ويمناه القويه
لابة ماحد يشكك في ولاها

بيعة السبعان ماهي موسميه
مالها تاريخ ويخلص وفاها

كاتبين بنودها في كل هيه
قبل تشكيل الحكومه واوزراها

لابة يوم الجهل والعنجهيه
تغلب إعداها ولا تشقر عصاها

باسمها التاريخ يلعب سامريه
واربعين معزي اكثرهم نباها

راكان بن بدن

ماتغيرنا السنين السرمديه
صفحة التاريخ تنبي من قراها
لا عطينا العهد ماخنا العطيه
الاكارم ماتعود في عطاها

دام ضلع طويق باقي له هويه
والعواصف ماتغير من هواها

والله إنا اليوم والصبح وقفيه
نتباهى في وطنا ويتباهى

عون بن جبيع

يابلادي واصلي والنار حيه
وارضك إنا سترها وإنا غطاها

دون حدك مثل حد الحضرميه
من ينوشه حدها ابطى مانساها

عندنا احلام ورؤى مستقبليه
الله يطول حياة اللي بداها

حلمنا خارج حدود الجاذبيه
مادري عنان السماء والا وراها

حزمي بن سعد

في مخابينا نشيل الخمس ميه
من غلا ابن سعود ماهو من غلاها

والثلاث اللي على ركن الهويه
دونها كنق العرب حامي حماها

دونها سلمان سلمان الحميه
صوتت له وافرحت له يوم جاها

تفتخر في الشعوب اليعربيه
من بدايتها ليا اخر منتهاها

فالح ابو عضيده

الله الله يالعروش الفيصليه
مستوانا العالمي من مستواها

دولة اللي صورته في الخمس ميه
يسجد التاريخ ويقبل ثراها

معلومات الاغنية
الشعراء
١ دسمان بن مناحي
٢ راكان بن بدن
٣ عون بن جبيع
٤ حزمي بن سعد
٥ فالح ابو عضيده
٦ مدغم ابو شيبه

اداء والحان فيصل المداريه
إنتاج فني استديو اوكتاف
مكس وماستر م ابوبكر البشيري
تصوير فهد السبيعي
فيديو عبدالعزيز

توزيع ديجيتال الفان ميوزك