كلمات أغنية خذلتيني

أنا جيتك على النيه أحسب إنك على مبداي
ولاكن للأسف خنتي خفوق ضمك شعوره

لك الله من خذلتيني أحس إن الأسى مرساي
أعيش بلجة أحزاني كأن الأرض مهجوره

واصوت والصدى صوته مثل عزف الالم بالناي
وأحاول أكتم أنفاسي وصاح القلب من جوره

رسمتك للأمل بسمه واشوفك حلمي ومعناي
وغيرك لو تباطيته غيابه يشبه حضوره

أنا حتى الحنايا من عقب فرقاك مكسوره

يناديك المكان اللي نشدني عن غلا ذكراي
يبس ريقه من الفرقى ورسم حلمه على سوره

أنا ليه اشتكي جرحي وأنا الي حاضنك برضاي
مدام ان الخطا مني جروح الوقت معذوره

أبسكت دامها خيره تعبت أسمع صدى شكواي
بكيت ولابقى غير التعب والشوق والصوره