كلمات أغنية جيت اعشقك
- كلمات
- احمد الحزيمي
- ألحان
- فواز البراهيم
لا تستفـز احساسي الله يخـلـيك
ما جيت تنصحـني أنا جيت احبك
جيت اعشقك جيت اسعدك جيت اسلـيك
واعيش ما باقي من العمر قربك
جيت امسح دموعك وانـسيك ماضيك
وارجـع احساسك ونبضات قـلبك
خـلي الأمل دكتورك اللي يداويك
واضـحـك ولا تظهر على الناس غلـبك
أنا بداياتك وانا كل شي فيك
وانا الشموع اللي تضـوي بدربك
وانا ترانيم الغـزل في معانيك
وانا اتجاهاتك بشرقك وغربك