كلمات أغنية هذا الوطن

نسيم القصيد الي مثل هبة الانسام
مثل شوفة الغالي لغالية والضمة

خليلي وميعادة معي حزة النيام
عساني ماأذوق الحزن منه ولا غمه

يجيب الكلام الي مثل بصمة الابهام
مثل عود أزرق تنجذب له من الشمة

عسى الله يجملني لو أن القصيد إلهام
أحد مالين فمه وأحد ماملى فمه

يخلد وشرهة كل عد على جمه

على الموعد اللي كلنا له مع الأيام
بنات الوطن وأبناه باليوم مهتمه

لك الحمد ياربي على نعمة الاسلام
وعلى الامن يوم الله بهذا الوطن عمه

عسى الله يعطر قبر أبو تركي المقدام
ياليته يشوف اللي لكل الامم يمه

ويرحم ملوك للحرم خلدوا خدام
سمو بالتواضع أمه من بعد أمه

ونفخر بسلمان الحزم مرهب الاخصام
عريب الجدود اللي يعود الفخر يمه

وترجح له الكفه وتبرى به الذمه

وهو الرمز للأمجاد والأب للأيتام
وهو اللي عن التفريق شمل العرب لمه

ويمينه ولي العهد للكايدات حسام
بأسامي فخر كل العرب والعجم سمه

هذا محمد الافعال ومحطم الارقام
هذا اللي مشبهنا على طويق بالهمه

هذا صاحب الرؤية هذا محقق الاحلام
هذا اللي وضع له فوق كل القمم قمه

هذا ملفت الأنظار ومسابق الأيام
هذا اللي دعا له يحكم أرض الوطن عمه

هذا معزي اللي تعب الكتب والأقلام
هذا اللي يسابق قوله الفعل ويتمه

هذا شاغل الدنيا هذا الفارس الضرغام
هذا اللي عليه الناس بالراي ملتمه

هذا اللي له الشعب السعودي سند وحزام
هذا اللي تفاخر في مواقيفه الامه

هذا اللي وقف للقدس واللي وقف للشام
حقوق العرب تعنيه وهمومهم همه

يسولف به العالم ويبصر به الإعلام
يخلص له مهمه ويبدى له مهمه

يمس الدول مع ساقته مسة المرزام
وينسف مثل ماينسف البشت في كمه

أبي لفتتن ماهيب في الناس والحكام
من محمد اللي ضخ مع دمنا دمه

ليا من نخيته في لزومي وأنا منضام
على خشمه إليا حط سبباته تمه

شرب من فناجيل الزعامه من أول عام
وشربنا الولا شرب الطفل من حليب أمه