كلمات أغنية لعنة تلعنك ياهيبة حضوري

علم الي ماسمع يطيع شوري
عجزت اركابه تروح ولاتجينا

خذها من يمنا قدرها مايبوري
نحن قوم ماشبعنا لا كلينا

لعنتن تلعنك ياهيبة حضوري
مانبيها كان ماتت لامشينا

لادخلنا ندخل بشي ضروري
نضرب خشوم ليا بانت علينا

واطحنيهم دام حنا الطاحنينا

جعبة ف الصدر مفتاحه شعوري
لا فتحته يضوي انوار المدينا

نجعل الدنيا مثل عين التجوري
نودع الغبنه غبن بعد الغبينا

صاحبي يقطف وفانا ورد جوري
والردي كفكف سنينه مستوينا

مرحبا ترحيبتن من منارات الحفل
قالها امحمد ابو نايف الي قالها

مثل ابوه بشيت بابه لغا عنه القفل
مثل جده المليح شال حمول اثقالها
نايف ابن امحمد النجل والنعم النجل
رابين عند الزحازيح فاله فالها

لانكل ولانمل لانكل ولانمل
الطويله تقبل الي ينوش اطوالها

راسنا يلوح بعمامته راس الجبل
واسمنا بين الزحازيح جمل حالها

ياجمل حنا لها دام مال ابه الحمل
قبلها ويا الجمل شلنا ميل احمالها

الجزا من الفعل يرجع لجنس العمل
عقب الي قالها مايحوش افعالها

الاصيل ايرده اسلوم واعلوم الاصل
والهجين ايحاول ايسوي مثل اعمالها

النجم يبقا نجم والزحل يبقا زحل
والحصا متنوع مدري كيف احوالها

سجل دخولي واضغط انتر يافهد
اترند تصعد والعدد يطوي طوي

بالراس طنخه تجعل الشايب ولد
يهد كنه سطوت اجناح اخلوي

في مدهلن يسند سنايد من سند
والنجر صوته يجرس ويدوي دوي

على الضعيف اسناد والصاحب رغد
اخوان سلما لاغدا الراس احموي

في حفل نايف جعله ايعقب ولد
نسل الجميلي للخوي نعم الخوي

امحمد بن بشيت حلال العقد
من ترث المليح والذيب يعوي

على الوعد تمام ويتم الوعد
على الكبيره يلوي القاسي لوي

ابشيت ابو سالم يراكيه العهد
محمود ذكره وانشدو كل ابدوي

يومن ضعيف النفس يبخل ما وجد
ياجعل منهو للكرم دايم قوي