كلمات أغنية علامة اللكزس

زان القصيد وزان بدعه ومعناه
ياهقوه احتزمي ويمتون شلي

وانا ليا من الزمن سل شلفاه
بردت في مدح المطاليق غلي

ماهي بلحيت من بغى شي يلقاه
ولا بلحيت ويني وين خلي

ياراكب اللي لابدا اللازم انهاه
وشلون ماينهي وهو صنعت اللي

امصممه على رواق وتسلي

امواصفاته كلبوها يبوياااه
ياويش اعدد من وصوفه واخلي

من ايمنه ليسره لوله لـ تلاه
ودك يلحف له بدعوة مصلي

ولا يصب امن الذهب في زواياه
ولا مايدرج له على القار ملي

علامة اللكزز على الشبك مبداه
كنها تقول اموت وانا محلي

عليه غمر شامر كم يمناه
يقول حلي ي المواجيب حلي

وسراه في ليل قمره امتجلي

استر عليه امن الصواديف يالله
ولا توليه النصيب المولي

يقلط لقصر في ركونه ومبناه
شنار طيب وطيب صيت وتعلي

قصر اللذي من طيب راسه و مجناه
لاشانت اوجيه اليال اسفهلي

قرم كسب تاج المراجل من صباه
على الصعيد العالمي والمحلي

حامد سويعد جعل الانذال تفداه
ضلع يزبن كل من قال منلي

المرجله والنعم والبيض تزهاه
ابو احتزم كلك ونا جيت كلي

مفني عيال الضين والابل بيمناه
حلال عقدة خاطر ماتحلي

شيخ من المطران صعب مناحاه
لايقهر ولا يغبن ولايذلي

امنين ما يقلط على العز يلقاه
زفل يرحب به وزفل يهلي

يابن سويعد زبدة الوجة والجاه
فيك انت يالوجة المنير المصلي