كلمات أغنية عتبيه الهيلا موسعة الطعون

التنوع في الثقافات حسب الاطلاع
ابرز اهداف اليونسكو ومفهوم الحياه

العقول النيره تمتلك حق الدفاع
والجهل ماتنبت ارضه ولاتمطر سماه

دون شك اللامبالاه توحي بالضياع
الفطين يحث نفسه ولايتبع هواه

شيمت الرجال عزه تجلت بارتفاع
تعتبر في كل الاحوال هي طوق النجاه

والهلامه يجحد الطيب ويذم اخوياه

أنت يامشعل سنافي شهر صيتك وذاع
تصنع المعروف للناس يامال الغناه

ياطليق الوجه والجاه حلال النزاع
مالك منافس بسطح القمر شيد بناه

وعاش راعي الاوله صاحب الامر المطاع
مكرم الضيفان ابو صقر من يلحق مداه

كل القبايل بالفعايل ماتهون
لاكن عتيبه ربي اعطاهم سمه

اكبر مساحه في الجزيره يملكون
واكثر عدد والصف ماحد يقسمه

شوم الحريب اليا تخطرا تعسمه

بعد المعزه يلحفونه باالغبون
يشكي مغبتها ومقطوع انسمه

حمايت البل ينزلون ويرحلون
ماحافهم طامع والابل موسمه

وندق زير الحرب جو يتسابقون
من لايغبر شاربه مادسمه

ايقلعون الروس من حد المتون
جولتهم الاولى نهاية حاسمه

تاريخهم حافل بما لاتعلمون
بالدم الاحمر ماهو خط المرسمه

العود كلمنتان فايح في مداهيل الرجال
وخلاص من تمر الحساء والبن من قمة شدا

واغلى مايشرا من شبوك البدو مشبعت الحلال
غطى على اطراف الصواني شحمها كوم ابردا

بالمحفل المرسوم طيب الفال يقفاه العقال
ماتنقطع فيه التحيه شكلت صوت وصدا

يامرحبا ترحيب بدره مكتمل ماهو هلال
نور سماء الدنياء وانار الارض من ساعة بدا

طبع الكريم يقلط الضيفان ويهين الريال
مايلحق المنه ورى وجبة عشاء ولاغدا

اما البخيل الي يصر القرش جعله بالزوال
يسرح ويضوي مانفع ربعه ولاغاض العدا

معلومات الاغنية
حفل ذوي حمدان من قبيلة الحليفات من عتيبه
بمناسبة زواج ماجد بن مشعل الحليفي
وزواج صقر بن معتوق الحليفي
كلمات شاعر الهيجا عيضه بن جوده
اداء فهد بن فصلا