كلمات أغنية خاويت ذكراه

خاويت ذكراه وملذة طواريه
وخليت كل اللي يقولون خله

احبه من اعماقي وخاطري فيه
وانا و ما تملك يدي فدوة له

وتفداه عذاله ويفدون ماضيه
اللي يشوفون اشتياقي مذله

قلبي واعرفه واعرف اللي يسليه
وجه يبين لك وش الزين كله

أبيع عمري واتفيا بظله

اخذوا من سنيني وردوا لياليه
مخنوق من رتم الحياه الممله

خلوني اسج القدم في محاريه
عمر الوفا ما كان غلطه وزله

وخفوا علي من العتب والمشاريه
لو ما بقى فالعين دمع تهله

مانيب مصخي به ولانيب ناسيه
صدري مداهيله وقلبي محله

بعيش لـ آخر يوم في عمري ارجيه
رجوى المريض اللي تحت رحمة الله

معلومات الاغنية
كلمات محمد جارالله السهلي
ألحان يوسف الشهري
إنتاج فني استوديو تون لايف
تصوير عمر عبدالله
توزيع ديجيتال وإنتاج مرئي مجموعة الفان