كلمات أغنية حزام الرفيق

هسلامي على شيخ وجيه وعريب جدود
ذرى لابته من يوم الايام دواره

وعلى قصره اللي كنه العيلم المارود
تشوف الرضا واضح على وجه من زاره

حريب البخل والشح واللوم والمنقود
ولا طاوع الشيطان والنفس الاماره

ولد شايع حزام الرفيق وذرى المضهود
لما هد وقته حيله وشتت افكاره

ماهي تختفي تاره وتظهر لنا تاره

يجمل على طول الليالي عيال العود
والاجناب ماتجهل مقامه ومقداره

جميع الصعايب لانقفل بابها المسدود
تحت كوع يمناه وتحت قبضة يساره

هقاويه من فوق الهقاوي الكبار وزود
ولا به مكان فيه ماشاعت اخباره

علي الطلاق ووالله الواحد المعبود
ماتقصر عن الناموس والطاله اشباره

فعوله نقيه كنها صافي القرهود
وبيض السحاب اللي بالامطار سباره

ولا يبخل بجاهه وماله ومحضاره

مايحتاج له في عتق خضر الرقاب شهود
شف الرقم فالشيك المصدق كم اصفاره

تجيه الرجال اللي عليها الحمول حشود
وتلقى قبل لا تشرب الدله بشاره

لما عشرت بيض الليالي وجابت سود
برك للحمول وصد غاره ورى غاره

دريك الزمان يروح منه وهو محسود
لو ان الفضا في عينه اصغر من زراره

على راحة يمينه يعيش الكرم والجود
وتحت بشته كبار المواضيع منهاره

يمد العطايا اللي مثل مدة ال سعود
تعدت عطايا اللي عطاياه سياره

يقلط ضيوفه كل يوم على مفرود
طيبعه كرم ماهي بسلفه ولاعاره

على لحيته واشنابه يساق دهن العود
وتبنى له البيضا على نايف القاره