كلمات أغنية حاجزين المركز الاول عتيبه

بقفل الجوال واسري مع خيالي
اعذروني طرقتي ماهي قريبه

الحمول الكايده فوق الجمالي
والجزور موزعه عظم وتريبه

دوبي اشعم نيرتي وركي دلالي
والعيون الساهره تدفع ضريبه

رايح لسوق الغلا منشان غالي
يعتزيبي في الاوازم واعتزيبه

يحفظ العشره ويوفي مع صحيبه

يابو ماجد مكسبي ياراس مالي
لوتبي كوكب زحل لرضاك اجيبه
انت ابوك العود حماي التوالي
والشدايد ماعقلها غير شيبه

كل ماعدو طحاطيح الرجالي
ميزت صالح معاريفه وطيبه

يعتبر ليل الفرح خير اليالي
والتهاني للكفو ماهي غريبه

المهندس حمدي الفذ المثالي
اجتهد واخذ من الدنياء نصيبه

الظفر حالف كريمين السبالي

من سخاهم يغتني الجار الموالي
بعد كان الفقر يسكن وسط جيبه

برهنو القوه في الايام الخوالي
وين ماحلو يرومون الصعيبه

ياردون العد بحبالن طوالي
مادخل بنفوسهم شكن وريبه

المطنخ يوم جمر الحرب صالي
في قراير نجد كم ردو كتيبه

وبلهم ترعى جنوبه والشمالي
في حمى الهيلا ولاتوخذ غصيبه

يشلعون الكون بالسمر العوالي
حدهم قاطع ورميتهم عطيبه

كل ماطبو بساحات القتالي
تجزع العدوان من هول المصيبه

معلومات الاغنية
شيله مهداه من مشعل صالح العتيبي
بمناسبة ترقية اخوه المهندس حمدي صالح العتيبي
كلمات شاعر الهيجاء عيضه بن جوده
اداء فهد بن فصلا
تنفيذ بصمة الابداع للمونتاج