كلمات أغنية المقام النخبوي

ياذا الجلال اللي على العرش استوا
انت الامل وانت والرجاء وانت القوي
جرنا من اللي قلت نزاعة شوا
واجعل لنا حظ رفيع ومستوي
البارحة يوم اقبل الليل وضوا
شعمت نار تلتهم كل الضوي
واركيت من فنجالها يجلي الخوا
وسامرت نجم الليل والليل سروي
من شاعرن ليا هقا والا نوا
والابغا درب القوادي ماغوي
ياللي سؤالك لاقدا ولاغوا
اخذ الكلام اللي مثل وصف بدوي
سجل غيابي في المكان الفوضوي
اليا بدا الماجوب والبال اهتوا
عنيت صفرا تطوي البيداء طوي
ان كان ماوردتها عد الروا
عدوني اللي نحرت في المجذوي
أكرس المجهود لأجل المحتوا
دون الرفاقه والعواني والخوي
يامرحبا ترحيبتن مثل الدواء
تشفي وتقري كل ضيف وتستوي
اعداد مانسنس ذعاذيع الهواء
واعداد ماهل المطر من منشوي
في مجلس لم المطاليق وحوا
طيب النشاما والمقام النخبوي
تلقى القناد اللي كليله ماثوا
واللي سنامه قدم عيزه منزوي
في محفلن راقي وعالي مستوا
باسم الرفيق اللي عسى حظه قوي
طيبه تسلسل من ذوي الى ذوي
نسل الرجال اللي مواقفهم سوا
الاد زيدان زبن كل جلوي
احزام قحطان وعبايد لاعوا
ذيب الحرايب ماتحرو مدعوي
قومن ليا ركبو على كل شعوا
شعو الكسايب بين غبشه وضحوي
بمذلق وقعه يفض أقوى القوا
ومصقل من دم لعدا مرتوي
مجدن تساما منزله ولاهواء
يدرس لجيال منهج تربوي
ذروة قصيد الشاعر اللي ماذوا
بفعولكم تزداد دافع معنوي
القاف بإسم الاد زيدان ارتوا
وانا لكم ياربعنا في المثنوي