كلمات أغنية الغياب

لاضاق صدر الحزين وفك ازاريره
خلوه في حاله ويشكي على حاله

مع اول الليل لانامو هل الديره
يلاحي الليل في طرقه وموّاله

يعيش الايّام عقب الحزن تقزيره
والضحك عيّا يجيه ويلطف بحاله

عقارب الساعه تدور
والشعر ناداني وانا

متلهّف وصبري فنا

ضايق سبب بعض الامور
وماعاد لامالي سنا

يوم ابتلاه الغياب وخاااب تدبيره
ويومه لحق له طموحً غير ما ناله

ياغايبه والهموم وسلطة الحيره
جارت بصدر الوحيد اللي على فاله

اوّل له المنزله واضحى مثل غيره
حزين من يومها والحزن مغتاله

لو انّ ماقلبي صبور
ماكان شفتوني هنا

وابني مع اللي له بنا

دفعت تذكرة العبور
وتعبت والغير اهتنا

ماعاد يملك سوى شعره وتعبيره
وصبره لو انّ الصبر ماعاد يبرى له

لاخاب ظنّه يردّد يالله الخيره
ويبني له امال والخيره هي اماله

لله در الصبور اللي مقاديره
ورته شيًّ ماكان يمرّ في باله

معلومات الاغنية
كلمات : محمد ماجد
اداء : فهد العيافي