كلمات أغنية هوى القلب

حمد الخزينه المري
حيل الله اقوى يا هوى القلب والروح
روح عسى ربي بظله يظلك
تبعت لك ظن سرى ليله ايلوح
وعززت للظن الردي واستغلك

وناديتك بصوت من الخوف مبحوح
وقفيت ما كنه يناديك خلك
وحشدت احاسيسي وعودت مجروح
وأنا احسب اني بالغلا مستحلك

خليت قلبي يوم قفيت مفتوح
ولو حلفوني قلت ما والله اتروح
من كثر ما انا في الغلا مخلص لك

ولاول محطات اللقا واول الضوح
مشيت وأنا بين حرك وخلك
ووقفت بك يا المول من غير مصلوح
عسى عدوي لا تضايق يدلك

جيتك بجرح واحد ورحت بجروح
وفرض علي الحزن حالة تملك
ماجور يا قلب من الحب مجروح
والله ما تستاهل اللي حصل لك

يا رمح يا اللي في المعاليق مطروح
يا ليت راعيك تجمل وشلك
ويابنت سادات العرب جرحي اينوح
الله يبيحك فيه والله يحلك
يا ابلغ من الحزن واكبر من البوح
عيني لو انك دمعة ما تهلك
مسموح لو ماهي من القلب مسموح
لو كان في سبة فراقك يد لك