كلمات أغنية فاكر لما تقوللي

فاكر لما تقولى حسيبك يعنى أنا هجرى وراك
و لا هموت فى هواك و لا أنا هترجاك
روح يا حبيبى مع ألف سلامة روح و القلب معاك
خد لياليك وياك وأنا مش حستناك
أنا مش فاضي أعيش ع الفاضي و أضيع عمرى معاك

ابعد و ابعد قلبك عندك روح متكلمنيش
أنت محستنيش لأ ومحبتنيش
ابعد و أوعى تقرب منى لو راح أنادي عليك
امسح دمع عنيك و أنا مش ملك إيديك
ليه الحيرة و فضها سيرة و أدى نهايتي معاك

امشي كفاية سنين ويايا مرت كده قدام عنيا
بس أنا عارف وربنا شايف و الله يعوض عليا

شكرا قوي ع الوقت الغالي أنا ضيعت فى وقتك
آسف إنى عشقتك غلطة أن أنا صدقتك
متهيألك إن بعادك عنى هيجرح
لأ بالعكس أنا هفرح و المكسور يتصلح
مش هتساهل و لا تستاهل لحظة أعيشها معاك

ابعد و ابعد قلبك عندك روح متكلمنيش
أنت محستنيش لأ ومحبتنيش
ابعد و أوعى تقرب منى لو راح أنادي عليك
امسح دمع عنيك و أنا مش ملك إيديك
ليه الحيرة و فضها سيرة و أدى نهايتي معاك

امشي كفاية سنين ويايا مرت كده قدام عنيا
بس أنا عارف وربنا شايف و الله يعوض عليا