كلمات أغنية اتقل
- كلمات
- فتحي قورة
- ألحان
- فريد الأطرش
- السنة
- 1962
اتقل
اتقل اتقل عاللي بيتقل ولا تسألش عليه
وابعث واسأل عاللي بيسأل ليه تتعذب ليه
أول يوم شفته حبيته كان اليوم اللي تمنيته
بين رمشين العين نيمته وبين رمشين العين غطيته
وبعد كل ده يا قلبي يجرحك
وليه ترضى بكده وتتوه عن مطرحك
خلّي الدموع تسيل ع الخد
ده ما فيش حد أحسن من حد
بيحيرنا ليه عايز منا إيه
ليه ياقلبي ليه
يا ماغالبنا الشوق وسهرنا ليلنا نهارما بنستناه
فاتنا يا قلبي وبص لغيرنا لما لقانا بنجري وراه
على دقة خطوته كنت اسمع دقتك
وكانت بسمته تحيك وتموّتك
قالوا ليالي الحب جميلة قلت ياريت الحب ما جاني
خذ من عمري ليالي طويلة ومافيش عمر بيرجع ثاني
وبعثنا نفكره باع فينا واشترى
لو كنا بنهجره ما كانش ده جرى
خلّي الدموع تسيل ع الخد
ده ما فيش حد أحسن من حد
بيحيرنا ليه عايز منا إيه
ليه ياقلبي ليه