كلمات أغنية يا سعيد
يا سعيد له في وسط روحي محله
وله معزه صادق في كياني
وله مكان بقلبي ماحد يشله
باقي ويبقى له ع طول الزماني
ياسعيد صوتك انطرب وامتثله
يا مرحبا وياحي قولن عناني
خلن يبين من ضميره لخله
ويشل شلات وقصيد واغاني
يا سعيد شوفه ناظري مايمله
حدن يمل من شوف حور الجناني
لجله حبيبي بس انا اشل شله
لانه فريدن بين كل الغواني
يستاهل اللي مثلك الزين كله
يامن طباعه طيب ومرحباني
شليت قلبك في طريقن تدله
وصدق النوايا ماتخيب الاماني
وان قلت وصفه وصف ماينوصله
يعجز بوصفه مايقوله لساني
ساس الوفى ماقد خطى بدرب زله
لانه حشيم وراعي سد ومعاني
بن العرب مصبوب من راس دله
ع الكيف ذوفه هيل مع زعفراني
يلبس لباس العز في كل حله
ونحب حبن ما خفته المحاني